ՍիվիլՆեթ․ 25-ամյա Անկախ Հայաստանի 5-ամյա ուղեկիցը

Սեպտեմբերի 21-ին Հայաստանը նշեց իր անկախության 25-րդ տարեդարձը։ Քառորդ դարը բավականաչափ ժամանակահատված է գնահատելու անցած ճանապարհը, ձեռքբերումները թերացումները և, սերտելով դասերը, շարժվելու առաջ։ Սեպտեմբերի 21-ին լրացավ նաև Անկախ Հայաստանի անկախ լրատվամիջոցներից մեկի՝ ՍիվիլՆեթի գործունեության 5-րդ տարեդարձը։

Սիվիլիթասի մասին

Առաջնորդվելով լատիներեն «civilitas» բառով, որը նշանակում է «քաղաքացու պատասխանատվությունը հասարակության առաջ», Սիվիլիթաս հիմնադրամը խրախուսում է յուրաքանչյուր անհատի` սեփական ներուժը լիարժեք բացահայտելու իրավունքը, ինչպես նաև յուրաքանչյուր քաղաքացու` ունենալու սեփական ներդրումը գործուն ժողովրդավարության կայացման գործում:

Հանրային քաղաքականության խորհուրդ

Սիվիլիթաս հիմնադրամը բազմակողմ քննարկումների միջոցով քարոզում է ժողովրդավարություն, հրապարակայնություն և թափանցիկություն երկրի ներսում, ինչպես նաև կայունության և խաղաղության գաղափարը Կովկասում: Խորհուրդը կարևոր օղակ է, որը Հայաստանում կարծիք և քաղաքականություն ձևավորող շրջանակներին հարթակ է տրամադրում քննարկելու Հայաստանի ներքին եւ արտաքին քաղաքականության ուղիները, հնարավորություններն ու գործողությունները:

Մեդիա

Սիվիլիթաս հիմնադրամի CivilNet.am կայքը ստեղծվել է այն համոզմամբ, որ հնարավոր է տրամադրել լրատվություն, որն արդի է, հիմնված փաստերի վրա և հետաքրքիր է: CivilNet-ն առաջարկում է տեսանյութեր, որոնք հիմնականում դուրս են մնում հեռուստատեսության ուշադրության կենտրոնից` բնապահպանություն, հարկատուների միջոցների օգտագործում, կանանց իրավունքներ, երիտասարդ մասնագետների գործունեություն, ուսանողներ և նրանց հետաքրքրություններ, արվեստագետներ ու նրանց կրքեր: Միջազգային ճանաչում ունեցող անհատների հետ հարցազրույցների շնորհիվ CivilNet-ին հետևողներն ավելի լավ պատկերացում են կազմում գլոբալ և տարածաշրջանային զարգացումների և Հայաստանի վրա դրանց ներգործության վրա:

DSC_7104
Ժողովրդավարություն եւ զարգացում

Սիվիլիթասի Ժողովրդավարություն և զարգացում նախաձեռնությունն առաջարկում է ծրագրեր, որոնք Հայաստանում բարեփոխումներ իրականացնելու նպատակով ներգրավում են տեղական, միջազգային և Սփյուռքի հնարավորություններն ու ներուժը: Սիվիլիթասը խրախուսում է մասնակցությունն այս գործընթացներին, աջակցում արդեն իսկ գործող նախագծերին, որոնք միտված են իրական ժողովրդավարացմանն ու կայուն զարգացմանը:

unnamed
Դեպի հարևանություն

Կովկասյան հարևանությունը լի է իրական ու հավանական հակամարտություններով: Հայ-թուրքական հարաբերությունները, ինչպես նաև Հայաստան-Ադրբեջան հարաբերությունները շարունակում են առանցքային մնալ տարածաշրջանային զարգացումների ավելի լավ ընկալման և կայունության ապահովման հարցում: Սիվիլիթաս հիմնադրամը, առաջնորդվելով բաց ու անաչառ քննարկման սկզբունքներով, աջակցում է Կովկասում հարաբերությունների կարգավորմանը և խաղաղության ու անվտանգության ապահովմանը:

DSC_1964
Հետազոտություն և հանրային հարցումներ

Հայաստանի վրա ազդեցություն ունեցող ​​սոցիալական, տնտեսական և քաղաքական նշանակալի թեմաների շուրջ հետազոտություններն ու տնտեսական վերլուծությունները կարևոր են ոլորտային համապատասխան քաղաքականություն մշակելու համար: Սիվիլիթասը խթանում է ամենատարբեր թեմաների շուրջ հանրային լայն բանավեճը, արդի տեխնոլոգիաների օգտագործմամբ այն հասանելի է դարձնում ավելի մեծ լսարանի՝ հարթակ տրամադրելով բազմազան կարծիքների արտահայտման համար:

unnamed-1
Ջիվան Թաբիբյանի գրքերի հավաքածուն

Հիմնադրամի պատվո խորհրդի անդամ, նախկին դեսպան Ջիվան Թաբիբյանը բազմաթիվ ոլորտներում խոր գիտելիքների և հետաքրքրությունների տեր մարդ էր և ուներ մտածողի և ուսուցչի միջազգային ճանաչում: Սեփական ցանկությամբ՝ տարբեր լեզուներով նրա բազմաբովանդակ գրադարանը հետմահու՝ 2009 թ., փոխանցվեց Սիվիլիթաս հիմնադրամին: Թաբիբյանի գրքերի հավաքածուն Սիվիլիթասի գրադարանի հիմքն է, որը հասանելի է բոլորին:Ջիվան Թաբիբյանի գրքերի հավաքածուն